Apfänd
Zit zum Warta!
Lächrig -- uf was wartend mr dänn nö --
uf a Schnee numma -- äna machend mr mid Maschina,
uf a Zug numma -- mr fahrend mit am Auto,
uf a Frühalig numma -- mr züchend da Salot im Triebhus,
uf Geald numma -- mr kofend uf Abzahlig,
ufs Hürota numma -- mr sind jo net altmodisch.
Warta -- lächerig -- mr hönds Warta abgeschafft.
Zit zum Nochdänka!
Lächrig -- über was dänkend mr dänn no noch --
überd Arbat numma -- zu äm homr dKompiuter, über aSchtaat numma -- zu äm homr dPolitiker,
über Politik numma -- zu äm homr Zittig,
über Gsundheit numma -- zu äm homr da Doktor,
über üs numma -- zu äm homr da Psychiater.
Dänka -- lächerig -- mr hond's Dänka abgeschafft.
Zit zum Schtill-Si!
Lächrig -- zu was soll ma denn schtill si --
weagad da Kind numma -- äne hockend seal da ganz
Tag vor am Lautsprecher,
weagad da Nochbura numma -- äne lond seal die halb Nacht
da Fernseher ränna,
weagad da alta Lüt numma -- äne hörand wellaweg
numma guat,
weagad da Kranka numma -- äne tuat ma is Schpitol,
weagad üs numma -- mr tätend di Schtilli gär numma
ushalta.
Schtill si -- lächerig -- mr hönd Schtilli abgeschafft.
Zit zum Guats toa!
Lächerig -- weam sollend dänn mr no äppas gia --
Bruader in Not numma -- sit i gleasa ha, was äne mit
am Geald tond,
dr Caritas numma -- sit i ghört ha, weam äne alls
healfand,
dr Nochbüre numma -- sit i gseacha ha, was si Rente heat,
am Kinderdorf numma -- sit i woaß, was für Wiber
d`kind düat anitond,
am Nöscht numma -- sit alle so wit usanand sind.
Guats Toa -- Lächerig mr hönds Güate abgeschafft.
Zit zum Warta?
Zit zum Nochdänka?
Zit zum Schtill-Si?
Zit zum Guats Toa?
Lächerig -- mr schaffand da Apfänd o no ab!